محسن نقوی دا بیان اعترافِ جرم، ہائبرڈ نظام نے ملک دیاں جڑاں کھوکھلیاں کر دِتیاں: جے یو آئی (ف)

ہائبرڈ نظام دے خالق تے ایس دا حصہ لوک، ملک نوں ایس مقام تے پہنچان دے ذمہ دار، طے ایہ کرنا ہے کون ہے ایس دا خالق؟ نظامِ عدل دا کنٹرول، اسمبلیاں دی خرید و فروخت، دھاندلی زدہ الیکشن، غیر آئینی ترامیم نظام دے سیاہ کارنامے: ترجمان

اسلام آباد (مانیٹرنگ ڈیسک) جمعیت علمائے اسلام (ف) نے وزیرِ داخلہ محسن نقوی دے بیان تے کیہا ہے کہ ہائبرڈ نظام دی ناکامی دا اعتراف خود ایس دے خالق نے کر لیا ہے، مولانا فضل الرحمن پچھلے دو سالاں توں ایس نظام دی ناکامی دا بار بار کہندے رہے نے، ترجمان جے یو آئی اسلم غوری نے کیہا کہ سسٹم دی خرابی تے کمزوری دا تاں بچے بچے نوں علم ہے، وفاقی وزیر دی اپنی ہی حکومت دے خلاف چارج شیٹ لمحہ فکریہ ہے، طے ایہ کرنا ہے کہ ایس سسٹم دے خالق کون نے تے ایس دی خرابی دے ذمہ دار کون نے؟ مزید کیہا کہ ہائبرڈ نظام دے خالق تے ایس دا حصہ بنن والے لوک، ملک نوں ایس مقام تے پہنچان دے ذمہ دار نے، ہائبرڈ نظام نے ملک دیاں جڑاں کھوکھلیاں کر دِتیاں نے، محسن نقوی دا بیان اعترافِ جرم دے زمرے وِچ آؤندا ہے، نظامِ عدل دا کنٹرول، شعائرِ اسلام دی توہین، اسمبلیاں دی خرید و فروخت، دھاندلی زدہ انتخابات، آئینِ پاکستان وِچ غیر آئینی ترامیم ایس نظام دے سیاہ کارنامے نے، آئین توں ماورا ہر قدم ملک تے نظام نوں تباہی ولّ دھکیل رہیا ہے، مزید کیہا کہ جے یو آئی دے خلاف پروپیگنڈا کر کے سانوں آئین دے تحفظ دی سزا دِتی جا رہی ہے۔