ممنوعہ شے آں دی تسکری دو اہلکار گرفتار، ایس ایس پی معطل
کراچی (سٹاف رپورٹر) سندھ پولیس نے ممنوعہ شے آں دی تسکری (اسمگلنگ) دی کوشش ناکام بناؤندے ہوئے ایس وچ ملوث دو پولیس اہلکاراں نوں گرفتار کر لیا۔
جبکہ مبینہ سرپرستی دے الزام وچ اک سینئر پولیس افسر نوں معطل کر کے پرچہ (مقدمہ) درج کرن تے سخت محکمانہ کارروائی دا حکم دے دتا گیا۔ ترجمان سندھ پولیس دے مطابق ضلع ویسٹ پولیس دی کارروائی دے دوران ممنوعہ شے آں دی تسکری دا منصوبہ ناکام بنایا گیا، جس توں بعد ہیڈ کانسٹیبل طارق کھوکھر تے پولیس اہلکار حسنین نوں گرفتار کر لیا گیا۔
واقعے دا نوٹس لیندے ہوئے انسپکٹر جنرل سندھ پولیس جاوید عالم اوڈھو نے مبینہ سرپرستی وچ ملوث ایس ایس پی کرائم اینڈ انویسٹی گیشنز جاوید ضمیرالدین فاروقی نوں فوری طور تے معطل کرن، اوہناں دے خلاف پرچہ درج کرن تے سخت محکمانہ و قانونی کارروائی دی ہدایت جاری کر دتی۔
آئی جی سندھ نے صاف کہیا کہ محکمہ پولیس وچ کسے وی تھاں تے جرم کرن والے بندیاں دی مدد، سرپرستی یا تسکری جیسے بھارے جُرم چ ملوث افسراں تے اہلکاراں لئی کوئی رعایت نہیں ہووے گی۔ اوہناں کہیا کہ پولیس دی وردی نوں جُرم لئی ورتن والے بندیاں دے خلاف بغیر کسی وکھریوے (بلاامتیاز) تے سخت توں سخت کارروائی کیتی جائے گی۔
محکمہ پولیس وچ کالی بھیڈاں دی کسے صورت گنجائش نہیں۔ ایہوجہے بندے نہ صرف محکمہ بلکہ پوری پولیس فورس دی ساکھ نوں نقصان پہنچاؤندے ہن۔ اوہناں نے متعلقہ افسراں نوں ہدایت کیتی کہ واقعے دی پوری، صاف تے غیر جانبدارانہ تفتیش کردے ہوئے سارے ذمہ دار بندیاں دا تعین کیتا جائے۔
