کشمیری مہاجراں دا ووٹ پاؤن دا حق آئینی تے جمہوری حق اے: میر واعظ

سارے فریق گل بات نال متوازن، منیا ہویا تے سب لئی منن جوگ حل لبھن

اسلام آباد (اے پی پی) کالعدم ایکشن کمیٹی ولوں کشمیری مہاجراں دے حقاں نوں تحس نھس کرن دی کوشش تے لائن آف کنٹرول (ایل او سی) دے دوجے پاسیوں وی سخت تنقید کیتی جا رہی اے۔ حریت آگو میر واعظ عمر فاروق نے کالعدم ایکشن کمیٹی نوں آڑھے ہتھاں لیندے ہوئے کہیا کہ پاکستان وچ رہ رہے لکھاں کشمیری مہاجراں دا ووٹ پاؤن دا حق (حقِ رائے دہی) اوہناں دا آئینی تے جمہوری حق اے جس نوں اکھوں پرجھے (نظرانداز) نہیں کیتا جا سکدا۔ کشمیری مہاجراں دے حق جموں و کشمیر دے لوکاں دے سانجھے حقاں دا لازمی حصہ ہن تے ایہہ برابر عزت تے تحفظ دے حقدار ہن۔

میر واعظ عمر فاروق نے کہیا کہ ساڈی جدوجہد دی کامیابی جموں و کشمیر دے ہر علاقے دے وسن والیاں دے حقاں دی بغیر کسی وکھریوے (بلا تفریق) نمائندگی نال جڑی ہوئی اے۔ اک دھڑے (طبقے) دے حقاں دی خاطر دوجے دے آئینی تے جمہوری حقاں نوں بھلایا نہیں جا سکدا۔

حریت آگو میر واعظ عمر فاروق نے زور دتا کہ ایس معاملے نال جڑے سارے فریق اکٹھے بہہ کے آپسی مشاورت تے سمجھداری نال گل بات کرن تے اک متوازن، منیا ہویا تے قابلِ قبول حل لبھن جو سب لئی منن جوگ ہووے۔