پنجاب: بیوروکریسی وچ اکھاڑ پچھاڑ دیاں قیاس آرائیاں، چیف سیکرٹری دی تبدیلی متوقع
لاہور (آئی این پی) پنجاب دی بیوروکریسی وچ وڈے عہدیاں تے اکھاڑ پچھاڑ دیاں قیاس آرائیاں زور پکڑ گئیاں۔
چیف سیکرٹری زاہد اختر زمان دی متوقع تبدیلی دی صورت وچ بیرسٹر نبیل اعوان تے کیپٹن (ر) خرم آغا نوں مضبوط امیدوار قرار دتا جا رہیا اے۔ ذرائع دے مطابق حکومتی تے بیوروکریسی دے حلقیاں وچ پنجاب دی بیوروکریسی دے اعلیٰ افسراں دیاں متوقع تبدیلیاں بحث دا موضوع ہن، زاہد اختر زمان دی تبدیلی دی صورت وچ اوہناں نوں وفاق وچ اہم ترین عہدے تے تعینات کیتے جاݨ دیاں گلاں ہو رہیاں ہن۔ ایس حوالے نال اک اعلیٰ حکومتی عہدیدار توں معلومات حاصل کیتیاں گئیاں تاں اوہناں نے تصدیق یا تردید توں انکار کر دتا۔
