حکومت عملی طور تے فارغ اے، عمران خان توں بغیر کوئی وی ڈائیلاگ پورا نہیں ہو سکدا: فواد چوہدری

لاہور (مانیٹرنگ ڈیسک) سابق وفاقی وزیر فواد چوہدری نے دعویٰ کیتا اے کہ حکومت ہن عملی طور تے فارغ ہو چکی اے، دیس دا موجودہ نظام کولیپس (تباہ) کر چکیا اے۔

ایہدے وچ بنیادی تبدیلی لازمی ہو چکی اے، سیاسی جماعتاں تے اسٹیبلشمنٹ وچکار مذاکرات دی لوڑ اے، پر عمران خان توں بغیر ایسا کوئی وی ڈائیلاگ پورا نہیں ہو سکدا۔ اک بیان وچ اوہناں کہیا کہ 3 وفاقی وزیر وزیراعظم نوں کہہ رہے ہن کہ تیر کمان توں نکل گیا اے، ہن واپس نہیں آ سکدا، باقی رہی گل بیانیے دی تاں جس دن عدم اعتماد دی تحریک ہو رہی سی، اسیں تاں اوہدوں وی کہہ رہے ساں کہ اگلے دس سال اسیں ہی حکومت کراں گے۔