نظام دی ناکامی دی وجہ صرف چار صوبیاں دا ہونا نہیں، جمہوریت نوں لیہ توں لاہوݨا اے: رضا ربانی

اسلام آباد (آئی این پی، مانیٹرنگ ڈیسک) پاکستان پیپلز پارٹی دے رہنما تے سابق چیئرمین سینیٹ رضا ربانی نے کہیا اے کہ نویں صوبیاں دے قیام تے نظام دی ناکامی دے بیان نے غیر ضروری حساس بحث نوں جنم دتا اے۔

اپنے بیان وچ رضا ربانی نے کہیا کہ نظامِ حکمرانی دی ناکامی دی وجہ صرف چار صوبیاں دا ہونا نہیں بلکہ جمہوری عمل نوں بار بار لیہ (پٹڑی) توں لاہوݨا اے۔ ناکامی دی وجہ سول تے عسکری بیوروکریسی نوں سیاسی کردار تے فیصلہ سازی وچ حد توں ودھ (غیر معمولی) وسعت دینا اے۔ اوہناں نے کہیا کہ آمراں نوں آئین وچ ترامیم تے ایہدے بنیادی ڈھانچے نوں بدلݨ دی اجازت دینا ایہدے پچھے اصل وجہ اے۔