چیف جسٹس دا لاہور ہائیکورٹ بار دا دورہ، کیفے دا افتتاح

ہائیکورٹ بار دے عہدیداراں نے چیف جسٹس عالیہ نیلم دا استقبال کیتا

لاہور (کورٹ رپورٹر) لاہور ہائیکورٹ دی چیف جسٹس عالیہ نیلم نے پچھلے دن لاہور ہائیکورٹ بار دا دورہ کیتا تے بار دے نویں سرے توں تزئین و آرائش کیتے گئے کشمیر لاؤنج کیفے دا باقاعدہ افتتاح کیتا। ایس موقعے تے صدر لاہور ہائیکورٹ بار بابر مرتضیٰ، نائب صدر سہیل قیصر تارڑ، سیکرٹری قاسم اعجاز سمرا سمیت دوجے عہدیداراں تے وکلا نے چیف جسٹس دا پرُتپاک استقبال کیتا تے اوہناں نوں پھُل پیش کیتے، لاہور ہائیکورٹ دے جسٹس شاہد کریم، جسٹس مرزا وقاص رؤف، جسٹس صادق محمود خرم تے جسٹس سید احسن رضا کاظمی وی چیف جسٹس دے نال سن। ہائیکورٹ بار دے عہدیداراں نے چیف جسٹس نوں کیفے دی اپ گریڈیشن تے وکلا نوں بہتر سہولتاں دی فراہمی حوالے نال بریفنگ دتی। بعد وچ چیف جسٹس عالیہ نیلم نے ہائیکورٹ بار وچ قائم لیڈی بار روم دا وی دورہ کیتا تے خواتین وکلا لئی دستیاب سہولتاں دا وی جائزہ لیا। چیف جسٹس عالیہ نیلم نے بار تے بینچ وچکار مضبوط تعلقات دی اہمیت تے زور دیندیاں وکلا نوں بہتر سہولتاں دی فراہمی دے قدماں نوں خوش آئند قرار دتا।