حکومتی اتحادی وی فارم 47 دے طعنے دے رہے نیں، اسد قیصر
اسلام آباد (مانیٹرنگ ڈیسک) رہنما پی ٹی آئی اسد قیصر نے کہیا اے کہ محسن نقوی توں بعد حکومتی اتحادی بلاول بھٹو تے علیم خان وی ن لیگ نوں فارم 47 دے طعنے دے رہے نیں…
ثابت ہویا کہ اوہناں کول عوامی مینڈیٹ نہیں، اک بیان وچ اوہناں نے کہیا کہ جس حکومت کول عوامی مینڈیٹ نہ ہووے اوہنوں نہ قانون سازی دا اخلاقی جواز حاصل ہوندا اے تے نہ ہی آئینی تے بنیادی فیصلے کرن دا حق، لہذا حکومت نوں فوری طور تے ختم کر کے آزاد، منصفانہ، شفاف تے غیر متنازعہ انتخابات دا اعلان کیتا جائے، موجودہ الیکشن کمیشن نوں تحلیل کر کے قانون دے مطابق اوہدے کردار دا احتساب کیتا جائے، تمام سیاسی جماعتاں دی مشاورت نال ایہوجہا نواں الیکشن کمیشن تشکیل دتا جائے جو سبھ لئی قابلِ قبول ہووے، ملک دے آئین، قانون تے ریاستی نظام نال تعلق رکھدے بنیادی فیصلے آئندہ منتخب ہون والی پارلیمنٹ تے حکومت کرے گی۔
