شوگر ملز دا 5 لکھ 85 ہزار ٹن چینی برآمد کرن دا مطالبا
34 لکھ میٹرک ٹن چینی موجود، برآمد دی اجازت دتی جاوے: ایسوسی ایشن۔ نائب وزیراعظم اسحاق ڈار، وزیر برائے نیشنل فوڈ سکیورٹی نوں خطوط ارسال۔
لاہور (اپنے سٹی رپورٹر توں): پاکستان شوگر ملز ایسوسی ایشن نے نائب وزیراعظم تے وزیر برائے نیشنل فوڈ سکیورٹی نوں سرپلس چینی برآمد کرن دی اجازت لئی خطوط لکھ دتے نیں۔ پاکستان شوگر ملز ایسوسی ایشن دے خط اندر آکھیا گیا اے کہ 5 لکھ 85 ہزار ٹن سرپلس چینی نوں چھیتی برآمد کرن دی درخواست کردے آں، ملک اندر 15 جولائی 2026 تک 34 لکھ میٹرک ٹن چینی دے سٹاک موجود سن، چینی دی ملکی مہینے دی اوسط کھپت 5 لکھ 67 ہزار میٹرک ٹن اے۔
خط اندر ہور آکھیا گیا اے کہ کرشنگ سیزن دے شروع تے 11 لکھ 58 ہزار ٹن چینی دا وڈا ذخیرہ موجود ہووے گا، اگلے کرشنگ سیزن اندر ول گنے دی بمپر فصل متوقع اے، ایندے نوں ول ملکی لوڑ توں ودھ 80 لکھ میٹرک ٹن چینی پیدا ہووے گی ایس لئی سٹراٹیجک ذخائر اندر موجود سٹاک سیزن شروع ہون دے اک مہینے دے اندر برآمد کیتا جائے۔
