کشمیر اندر ترقی دا سفر دوبارہ شروع
لاہور (اے پی پی): سابق وزیراعلیٰ پنجاب حمزہ شہباز نے آزاد جموں و کشمیر دے انتخابات دے دوجے مرحلے اندر مسلم لیگ (ن) دی کامیابی تے سادھی اکثریت حاصل کرن اتے اللہ تعالیٰ دا شکر ادا کردیاں ہویاں آکھیا اے کہ…
آزاد کشمیر دے سمجھدار لوکاں نے اک واری پھر مسلم لیگ (ن) دی خدمت، خوشحالی تے سچی ترقی دے بیانیے اتے اپنے بھرپور بھروسے دا اظہار کیتا اے۔ حمزہ شہباز نے آکھیا کہ لوکاں دا دتا ہویا مینڈیٹ بے بنیاد الزاماں، منفی سیاست تے پروپیگنڈے دے خلاف لوک فیصلے دی صاف مہر اے۔
انہوں نے آکھیا کہ مسلم لیگ (ن) آزاد کشمیر اندر لوکاں دے حقاں دی راکھی، روزگار دی فراہمی تے خطے دی بنتر تے ترقی دے سفر نوں دوبارہ شروع کریگی تے لوکاں دیاں امیداں اتے پورا اترن لئی بھرپور انداز اندر کم کریگی۔
انہوں نے آزاد کشمیر دے انتخابات اندر کامیابی اتے پارٹی دے سارے چنے ہوئے نمائندیاں، سیاسی رہنماواں، کارکناں تے رات دن محنت کرن والے پارٹی ورکرز نوں مبارکباد پیش کیتی تے اینہاں دی محنت نوں خراج تحسین پیش کیتا۔
