حکومتی نالائقی نال اج دفاعی بجٹ لئی مطلوبہ رقم نہ ہون دا خطرہ اے:احسن اقبال

اسلام آباد: مسلم لیگ (ن) دے رہنما احسن اقبال دا کہنا اے حکومتی نالائقی دا ثبوت ایہ اے کہ اج دفاعی بجٹ لئی مطلوبہ رقم نہ ہون دے خطرات نیں۔

اپنے بیان وچ احسن اقبال آکھیا مشیر خزانہ ڈھٹائی نال جھوٹھ رہے نیں کہ اقتدار ملن تے معیشت دی حالت خراب سی، اوہناں نوں جنی ٹماٹر دی قیمت پتہ اے، اینے ای اوہناں دے اعداد و شمار معتبر نیں، بیڑہ غرق تے ستیاناس دا بیانیہ بول بول کے معیشت دا بیڑہ غرق تے ستیاناس کر دتا گیا اے، الزام تراشیاں نال ملکی معیشت ٹھیک نہیں ہویا کردی۔

احسن اقبال آکھیا ساڈے دور حکومت وچ پوری دنیا، ورلڈ بینک تے عالمی ریٹنگ ایجنسیاں نے تسلیم کیتا سی کہ پاکستان 6فیصد ترقی دی شرح حاصل کر لوے گا، نوازشریف دی قیادت وچ مسلم لیگ (ن) نے 5.8فیصد شرح نال ترقی کردا پاکستان نالائقاں دے حوالے کیتا سی پر اک ورھے وچ تسیں ملکی معیشت دا جنازہ کڈھ دتا تے ترقی دی شرح اج ڈھائی فیصد اُتے اے۔

اپنا تبصرہ گھلو