علاقے دے دو ٹرانسفارمر پیسے دے کے ٹھیک کروائے، ندیم افضل چن
بجلی، گیس میٹر بغیر پیسے دے نہیں لگوا سکدے، زمین دی فرد لین لئی وی رشوت دینی پئی، آکھدے نیں سسٹم سیاستداناں نے ٹھیک کرنا اے پر اوہناں دے پلے کی اے، اختیار کنے نیں؟
لاہور پیپلزپارٹی دے رہنما ندیم افضل چن نے انکشاف کیتا اے کہ اوہناں نے اپنے علاقے دے دو ٹرانسفارمر پیسے دے کے ٹھیک کروائے، اپنی زمین دی فرد حاصل کرن لئی وی رشوت دینی پئی۔ بجلی گیس دے میٹر بغیر پیسے دے نہیں لگوا سکدے، ٹرانسفارمر پیسے دتے بغیر ٹھیک نہیں ہوندا، جدوں کہ ایہ سرکار دا کم اے۔ اک انٹرویو وچ اوہناں نے آکھیا کہ یقین منو، زرعی انتقال کرایا پاپا دے نیں، میں ہݨ وی رشوت دے کے کرایا اے۔
10 فی صد لوک بینیفشری نیں، 80 فی صد لوکاں نੂੰ دیس کی دے رہیا اے؟ امن، تعلیم تے صحت نہیں دے رہیا، ایہ ترئے کم ریاست دے نیں۔ اوہناں نے آکھیا کہ وڈے وڈے محکمیاں وچ کی ہو رہیا اے؟ ایتھے پورا آوے دا آوا بگڑیا ہویا اے، اسیں آکھدے آں سسٹم نੂੰ سیاستداناں نے ٹھیک کرنا اے پر سیاسی لوکاں دے پلے کی اے؟ اختیار کنے نیں؟ محسن نقوی دے نال جیہੜੇ لوکاں نے تقریراں کیتیاں، اوہناں دے کول پہلاں کی سی اَج کی اے؟ فیر نظام بدلن دیاں گلاں کردے نیں؟
