میٹرک نتایج دا اعلان، لاہور بورڈ دے 64.53 فیصدی طالب علم پاس
نتیجیاں دا اعلان صوبائی وزیر تعلیم رانا سکندر حیات نے کیتا، پہلے تن پوزیشن لین والے طالب علماں نੂੰ 1، 1 لاکھ روپے تے لیپ ٹاپ دین دا اعلان۔ گوجرانوالہ وچ کامیابی دا تناسب 69.48 فیصدی، ملتان وچ 72.65 فیصدی جدکہ فیصل آباد وچ تناسب 74.69 فیصدی رہیا
لاہور، گوجرانوالہ، راولپنڈی، فیصل آباد، بہاولپور، ملتان (خبر نگار، خصوصی رپورٹر، نیوز رپورٹر، این این آئی): پنجاب دے سارے 9 تعلیمی بورڈز برائے انٹرمیڈیٹ اینڈ سیکنڈری ایجوکیشن نے میٹرک دے سالانہ امتحانات 2026 دے نتیجیاں دا اعلان کر دتا۔ لاہور، راولپنڈی، ملتان، بہاولپور، ڈیرہ غازی خان، فیصل آباد، گوجرانوالہ، ساہیوال تے سرگودھا دے بورڈز ولوں نتیجیاں دا اعلان کٹھے کیتا گیا۔ ترجمان لاہور بورڈ دے مطابق کامیابی دا تناسب 64.53 فیصدی رہیا، 2 لکھ 82 ہزار 308 امیدواراں نے امتحانات وچ حصہ لتا سی جید وچوں اک لکھ 82 ہزار 186 امیدوار کامیاب ہوئے۔
لاہور بورڈ دے ہیٹھ میٹرک سالانہ امتحانات دے نتیجیاں دا اعلان صوبائی وزیر تعلیم رانا سکندر حیات نے کیتا۔ تقریب دے انت اتے صوبائی وزیر تعلیم رانا سکندر حیات نے پوزیشن ہولڈرز وچ میڈل تے اسناد ونڈیاں۔ انہوں نے پہلی، دوجی تے تیسی پوزیشن لین والے طالب علماں لئی اک، اک لکھ روپے نقد انعام تے لیپ ٹاپ دین دا وی اعلان کیتا۔ گوجرانوالہ بورڈ وچ کل ملا کے 2 لکھ 42 ہزار 192 امیدواراں نے حصہ لتا، جید وچوں 1 لکھ 68 ہزار 266 امیدوار پاس قرار پائے۔ ایس طرح کل کامیابی دا تناسب 69.48 فیصدی رہیا۔
راولپنڈی بورڈ ولوں کل 120411 امیدوار امتحان وچ شریک ہوئے جید وچوں 73829 کامیاب رہے، کامیابی دی شرح 61.31 فیصدی رہی۔ تعلیمی بورڈ ملتان دے میٹرک نتیجیاں دے مطابق امتحانات وچ اک لکھ 33 ہزار 19 طالب علماں نے حصہ لتا، پاس ہون والے طالب علماں دی گنتی 96638 رہی، جدکہ کامیابی دا کل تناسب 72.65 فیصدی رہیا۔ بہاولپور بورڈ دے میٹرک دے سالانہ امتحانات وچ 96245 امیدوار شامل ہوئے جید وچوں 63012 امیدوار پاس قرار پائے، کامیابی دا تناسب 65.47 فیصدی رہیا۔ فیصل آباد وچ امتحانات وچ اک لکھ 92 ہزار 925 امیدواراں نے حصہ لتا جید وچوں اک لکھ 44 ہزار 89 امیدوار کامیاب ہوئے، کامیابی دی شرح 74.69 فیصدی رہی۔
