چیک پوسٹ تے پولیس کانسٹیبل دی لاش مورچے توں برآمد
دوعوالہ چیک پوسٹ تے کانسٹیبل حسن علی دے خودکشی کرن دا شبہ
رحیم یار خان (نمائندہ خصوصی) سندھ پنجاب سرحدی چیک پوسٹ دوعوالہ تے تعینات پولیس کانسٹیبل دی مورچے توں لاش برآمد، مبینہ طور تے خود نوں گولی مار کے خودکشی کرن دا شبہ، پولیس نے واقعے دی تحقیقات شروع کر دتی۔ گزشتہ روز پنجاب تے سندھ دی سرحدی چیک پوسٹ دوعوالہ تے پولیس کانسٹیبل حسن علی نوں چیک پوسٹ دے مورچے دے اندر مردہ حالت وچ پایا گیا، کانسٹیبل حسن علی دا تعلق بہاولپور توں سی تے اوہنے 2018ء وچ پنجاب پولیس دے پی سی 6 وچ ملازمت اختیار کیتی سی۔ ابتدائی اطلاعات دے مطابق اہلکار دے جسم تے گولی لگن دے آثار پائے گئے نیں
