پی ایس ڈبلیو تے بورڈ آف ریونیو سندھ وِچ اسٹامپ ڈیوٹی وصولی دے معاہدے تے دستخط
اسلام آباد (خصوصی نیوز رپورٹر) پاکستان سنگل ونڈو (پی ایس ڈبلیو) تے بورڈ آف ریونیو سندھ دے درمیان اسٹامپ ڈیوٹی دی آن لائن وصولی لئی سروس لیول ایگریمنٹ تے دستخط ہو گئے۔
معاہدے تے پی ایس ڈبلیو دے چیف ڈومین آفیسر نوید عباس میمن تے بورڈ آف ریونیو سندھ دے ممبر آر ایس اینڈ ای پی نذیر احمد قریشی نے دستخط کیتے۔ معاہدے تحت الیکٹرانک اسٹامپ ڈیوٹی دی وصولی دا موجودہ نظام پاکستان ریونیو آٹومیشن لمیٹڈ توں پی ایس ڈبلیو دے ڈیجیٹل پلیٹ فارم تے منتقل ہو جاوے گا۔ نویں نظام دے ذریعے بورڈ آف ریونیو سندھ نوں مخصوص انٹرفیس فراہم کیتا جاوے گا جیہدے نال وصولیاں دی حقیقی وقت (ریئل ٹائم) وِچ نگرانی ممکن ہووے گی۔ روزانہ تے ماہانہ بنیاداں تے جمع رقم دا سرکاری ریکارڈ نال موازنہ تے تصدیق وی کیتی جا سکے گی۔
