یورپ وچ ریکارڈ گرمی، نصف درجن ملک آتشزدگی نال نبرد آزما

لاہور (مانیٹرنگ ڈیسک) فرانس وچ موسمِ گرما دے آغاز توں ہن تک جنگلاں وچ اگ لاؤن دے شبہے وچ تقریباً 500 افراد نوں گرفتار کر لیا گیا۔ برطانوی اخبار ‘دی گارڈین’ مطابق ایہہ کارروائیاں ایسے ویلے ہو رہیاں نے جے یورپ دے نصف درجن ملکاں وچ فائر فائٹرز شدید نوعیت دی اگ تے قابو پاؤن دی کوشش کر رہے نے جبکہ پورا براعظم ریکارڈ توڑ گرمی دی لہر دی لپیٹ وچ اے۔ فرانس دی وزارتِ داخلہ مطابق یکم جولائی توں جنگلاں وچ آتشزدگی دے واقعات دے سلسلے وچ 474 افراد نوں حراست وچ لیا گیا، جنہاں وچ 183 نابالغ بھی شامل نے۔ حکام مطابق گرفتار افراد وچوں تقریباً 70 فیصد تے جان بوجھ کے جبکہ باقی تے حادثاتی طور تے اگ لاؤن دا شبہ اے۔ جنوبی مغربی علاقے لینڈز دے گاؤں لوگلون توں 525 توں ودھ افراد نوں محفوظ تھانواں تے منتقل کیتا گیا، جسیھں جنگل دی نئی اگ نے 24 گھنٹے توں بھی گھٹ عرصے وچ خشک پائن دے جنگل دے تقریباً 1100 ہیکٹر رقبے نوں اپنی لپیٹ وچ لے لیا۔ مغربی جرمنی وچ جنگل دی اگ گھراں دے قریب پہنچن تے 2 ہزار توں ودھ افراد نوں محفوظ تھانواں تے منتقل کیتا گیا۔

کروشیا وچ تیز ہواواں باجھوں بھڑکن والی اگ بحیرہِ ایڈریاٹک دے ساحلی سیاحتی قصبے لوکوا روگوزنیکا تک پہنچ گئی، جس نال کئی گھر جل گئے، تقریباً اک ہزار افراد نوں منتقل کرنا پیا تے درجنوں افراد زخمی ہوئے۔ شمال مشرقی اسپین وچ جنگلاں دی اگ توں خانقاہ نوں لاحق خطرے باجھوں فوجی اہلکاراں نے 11ویں صدی دے اراگون دے تن بادشاہواں دی باقیات سان خوان دے لا پینیا خانقاہ توں نکال کے قریبی شہر ہوسکا دے عجائب گھر منتقل کر دتیاں۔ جنوبی اسپین دے صوبہ ہویلوا وچ بھی اگ نال تقریباً 31 ہزار ہیکٹر رقبہ جل چکا اے جبکہ 700 افراد نوں گھراں توں منتقل ہونا پیا۔ برطانیہ دے ویسٹ مڈلینڈز وچ جنگلاں دی اگ تیزی نال پھیلن توں کئی مکانات جل گئے۔ شمالی یونان وچ چھوٹی کشتیاں دے بیڑے نے تقریباً 500 سیاحواں نوں ساحلاں توں محفوظ تھانواں تے منتقل کیتا۔ ادھر جنوبی کوریا وچ ریکارڈ گرمی توں فصلاں نوں شدید نقصان پہنچیا اے۔ شمال مشرقی صوبے گانگ وون وچ آلو زمین توں نکالن توں پہلے ای خراب ہو گئے جبکہ بڑی مقدار وچ گوبھی بھی شدید گرمی دی نذر ہو گئی۔ سائنسداناں دا کہنا اے کہ موسمیاتی تبدیلی باجھوں شدید موسمی واقعات زیادہ تواتر تے شدت دے نال رونما ہو رہے نے۔