سابق آرمی چیف قمر جاوید باجوہ علاج لئی بیرونِ ملک چلے گئے
اسلام آباد (این این آئی) سابق آرمی چیف جنرل (ر) قمر جاوید باجوہ علاج لئی بیرونِ ملک چلے گئے۔
قمر جاوید باجوہ ۳ ہفتے سی ایم ایچ وِچ زیرِ علاج رہے، ایہناں نوں سر تے کمر وِچ چوٹ آئی سی۔ فیملی ذرائع دے مطابق قمر باجوہ نے یو اے ای وِچ اپنا طبی معائنہ کرایا، ذرائع دے مطابق قمر جاوید دی طبیعت بہتر اے، کچھ ٹیسٹاں دے نتائج آؤنا باقی نے، چیک اپ تے ڈاکٹراں دیاں ہدایتاں توں بعد قمر باجوہ واپسی دا فیصلہ کرن گے۔ اوہ ساڈھے چار مہینے پہلے گھر وِچ وضو دے دوران ڈگ پئے سن۔
