آزاد کشمیر: مخصوص نشستاں اُتے ۲۴ اگست نوں ووٹنگ، شیڈول جاری
اسلام آباد (این این آئی) الیکشن کمیشن آزاد جموں و کشمیر نے مخصوص نشستاں دے انتخاب دا شیڈول جاری کر دتا، جیہدے مطابق مخصوص نشستاں اُتے پولنگ ۲۴ اگست نوں ہووے گی جبکہ ۸ نشستاں اُتے انتخاب ہووے گا۔
الیکشن کمیشن دے مطابق مخصوص نشستاں اُتے کاغذاتِ نامزدگی ۲۰ اگست تیکر جمع کرائے جا سکن گے۔ ریٹرننگ آفیسر ۲۰ اگست نوں امیدواراں دے کاغذاتِ نامزدگی دی سکروٹنی مکمل کر کے اہل قرار پاؤن والے امیدواراں دی فہرست جاری کرن گے، کاغذاتِ نامزدگی دے خلاف اپیلاں ۲۱ اگست نوں دائر کیتیاں جا سکن گی، جبکہ الیکشن کمیشن دائر اپیلاں اُتے ۲۲ اگست نوں سماعت کر کے فیصلے کرے گا، ۲۳ اگست نوں مخصوص نشستاں اُتے امیدواراں دی حتمی فہرست جاری کیتی جائے گی، جیہدے توں بعد ۲۴ اگست نوں پولنگ ہووے گی۔
