ایشیا وِچ آرگینک کاشتکاراں دی تعداد ۲۷ لاکھ توں ودھ گئی
لاہور (آئی این پی) آرگینک خوراک تے مصنوعات اُتے ریسرچ کرن والے ادارے دے سربراہ نجم مزاری نے کہیا اے کہ ایشیا وِچ آرگینک فارمنگ نال جڑے کاشتکاراں دی تعداد ۲۷ لاکھ توں ودھ چکی اے۔
عالمی سطح اُتے معروف تحقیقی ادارےآں دے نیٹ ورک ایف آئی بی ایل دی رپورٹ دے مطابق ایشیا وِچ ۲۰۲۴ء دے دوران ۸۷ لاکھ ہیکٹر توں ودھ رقبہ آرگینک مینجمنٹ دے تحت سی جیہدے وِچ بھارت تقریباً ۳۹.۷ لاکھ تے چین ۳۵.۹ لاکھ ہیکٹر نال نمایاں رہے، مطالبہ اے کہ وفاقی تے صوبائی سطح اُتے بیج تیار کرن والے سرکاری ادارے بیجاں دی تیاری دے مجموعی ہدف وِچ گھٹ توں گھٹ ۱۰ فیصد حصہ آرگینک بیجاں لئی مختص کرن۔ اپنے بیان وِچ اوہناں نے کہیا کہ معیاری تے تصدیق شدہ آرگینک بیج دستیاب نہ ہون پاروں پاکستان وِچ کاشتکاراں نوں آرگینک زراعت ول منتقل ہون وِچ مشکلات دا سامنا اے۔
