ایمان مزاری، ہادی چٹھہ دی سزا معطلی درخواستاں سماعت کیتے مقرر،

سپریم کورٹ دا 2 رکنی بینچ 19 اگست کوں سماعت کریسی، فریقین کوں نوٹسز جاری، متنازعہ ٹوئٹس اتے میاں بیوی کوں پیکا ایکٹ دے تحت 17 سال قید دی سزا سنائی ڳئی،

اسلام آباد سپریم کورٹ نے متنازعہ ٹوئٹس کیس وچ سزا معطلی توں متعلق ایمان مزاری اتے ہادی علی چٹھہ دی درخواستاں سماعت کیتے مقرر کر ݙتیاں نیں، جسٹس نعیم اختر افغان دی سربراہی وچ سپریم کورٹ دا ݙو رکنی بینچ 19 اگست کوں درخواستاں اتے سماعت کریسی، جسٹس اشتیاق ابراہیم وی ݙو رکنی بینچ دا حصہ ہوسن، سپریم کورٹ نے کیس دے تمام فریقین کوں نوٹسز جاری کر ݙتے نیں، عدالت آئندہ سماعت اتے درخواست گزاراں دی طرفوں سزا معطل کرݨ دی استدعا اتے مقدمے نال متعلق ٻئے قانونی نکتے دا جائزہ گھیسی، واضح رہے انسانی حقوق دی وکیل ایمان مزاری اتے انھاں دے شوہر ہادی علی چٹھہ کوں پیکا ایکٹ دے تحت مجموعی طور پر 17، 17 سال قید اتے 3 کروڑ 60 لکھ روپے جرمانے دی سزا سنائی ڳئی اے۔