عبدالرازق خلجی نال ملاقات دے
کوئٹہ (آئی این پی): وزیراعلیٰ بلوچستان میر سرفراز بگٹی نے سول ہسپتال کوئٹہ وچ تیزاب گردی دا شکار تھیوݨ آلی لیڈی ڈاکٹر ماہ نور ناصر دی فوری مدد کرݨ آلے نوجوان عبدالرازق خلجی اتے اوندے بھائی کیتے سرکاری ملازمت ݙیوݨ دا اعلان کر ݙتا ہے،
وزیراعلیٰ بلوچستان میر سرفراز بگٹی نے عبدالرازق خلجی اتے اون٘دے بھراواں نال چیف منسٹر سیکرٹریٹ وچ ملاقات کیتی اتے انھاں دی بہادری، انسانی ہمدردی اتے بروقت مدد تے خراجِ تحسین پیش کیتا، ایں موقعے تے میر سرفراز بگٹی نے آکھیا جو عبدالرازق خلجی نے مشکل ویلے وچ اپݨی جان دی پرواہ کیتے بغیر متاثرہ لیڈی ڈاکٹر دی مدد کیتی جیندے تے انہاں کوں فخر ہے، اوہناں نے آکھیا جو ایسے باہمت، فرض شناس اتے انسان دوست نوجوان معاشرے کیتے قابلِ تقلید مثال نیں۔
