وچستان ہائی کورٹ نے زیارت وچ پولیس اتے تھیوݨ آلے دہشت گرد حملے دی جامع تحقیقات کیتے باضابطہ طور تے تحقیقاتی کمیشن قائم کر ݙتا ہے،
کوئٹہ بلوچستان ہائی کورٹ نے زیارت وچ پولیس اتے دہشت گرد حملے دی تحقیقات کیتے تحقیقاتی کمیشن قائم کر ݙتا ہے،
تحقیقاتی کمیشن بلوچستان ٹربیونل آف انکوائریز آرڈیننس 1969 دے تحت قائم کیتا ڳیا ہے، جسٹس محمد ہاشم خان کاکڑ کوں تحقیقاتی کمیشن دا سربراہ مقرر کیتا ڳیا ہے، کمیشن زیارت وچ ڈی آئی جی آفس دے قریب تھیوݨ آلے دہشت گرد حملے دی مکمل تحقیقات کریسی،
تحقیقاتی کمیشن حملے دے نتیجے وچ پولیس اہلکاراں دی شہادت اتے ٻئے جانی نقصان دے محرکات دا جائزہ گھنسی، کمیشن حملے توں پہلے اتے دوران موجودہ و سابق پولیس افسران اتے متعلقہ اداریاں دے کردار دا تعین کریسی، تحقیقاتی کمیشن سیکیورٹی انتظامات وچ کہیں قسم دی خامی، غفلت یا کوتاہی دی وی نشاندہی کریسی،
کمیشن حملے توں پہلے موصول تھیوݨ آلی ممکنہ اطلاعات اتے انھاں تے کیتے گئے اقدامات دا جائزہ گھنسی، کمیشن دہشت گرد حملے دی روک تھام کیتے اختیار کیتے گئے سکیورٹی اقدامات دا وی جائزہ گھنسی، کمیشن حملے دے وقت موجود سیکیورٹی انتظامات، نفری اتے ڈیوٹی تے مامور اہلکاراں دی ذمہ داریاں دا تعین کریسی،
تحقیقاتی کمیشن پولیس اہلکاراں دی شہادت دے واقعے نال متعلق تمام دستیاب ریکارڈ اتے دستاویزات طلب کر سڳدے، کمیشن متعلقہ اداریاں، پولیس افسران اتے ٻئے ذمہ دار حکام توں ریکارڈ اتے معلومات حاصل کریسی، کمیشن ضرورت پوسی تاں کہیں وی شخص کوں طلب کر کے بیان قلمبند کرا سڳدے،
بلوچستان ہائیکورٹ نے تحقیقاتی کمیشن کوں واقعے نال متعلق تمام متعلقہ ریکارڈ، دستاویزات اتے شواہد پیش کرݨ دی ہدایت کر ݙتی ہے، کمیشن عوام توں وی واقعے نال متعلق معلومات، دستاویزات اتے شواہد فراہم کرݨ دی اپیل کریسی، عوام اپݨی معلومات تحقیقاتی کمیشن دے دفتر عدالت عالیہ بلوچستان وچ جمع کرا سڳدن،
تحقیقاتی کمیشن واقعے نال متعلق اخبارات، الیکٹرانک اتے سوشل میڈیا تے شایع تھیوݨ آلی رپورٹس دا وی جائزہ گھنسی، کمیشن متعلقہ اداریاں توں واقعے دے متعلق تمام ریکارڈ اتے معلومات حاصل کریسی، تحقیقاتی کمیشن اپݨی کارروائی مقررہ قواعد و ضوابط دے مطابق انجام ݙیسی،
کمیشن تحقیقات مکمل تھیوݨ دے بعد اپݨی سفارشات اتے حتمی رپورٹ مرتب کریسی، تحقیقاتی کمیشن کوں واقعے دے ذمہ داران اتے غفلت دے مرتکب افراد دا تعین کرݨ دا وی اختیار حاصل ہے، کمیشن مستقبل وچ ایسے واقعیاں دی روک تھام کیتے سیکیورٹی اقدامات کوں مزید مؤثر بݨاوݨ دی سفارشات وی ݙیسی،
یاد رہے کہ زیارت وچ پولیس چوکی تے حملہ وچ ݙو ایس ایچ اوز سمیت متعدد اہلکار شہید تھئے ہن۔
