پاکستان نے اقوام متحدہ دی تخفیفِ اسلحہ کانفرنس دی صدارت سنبھال لئی
اسلام آباد (مانیٹرنگ ڈیسک) پاکستان نے اقوام متحدہ دی کانفرنس برائے تخفیفِ اسلحہ دی صدارت سنبھال لئی، پاکستانی سفیر طاہر حسین اندرابی اجلاساں دی صدارت کر رہے نے۔
دفترِ خارجہ دے مطابق پاکستان 2026 دے آخری صدارتی سیشن دوران کانفرنس دی سالانہ کارروائی مکمل کرے گا، جبکہ سالانہ رپورٹ تے جنرل اسمبلی دی فرسٹ کمیٹی وچ متعلقہ قرارداد تے مذاکرات وی ہون گے۔ پاکستان نے صدارت سنبھالدے ای مشاورت دا آغاز کر دتا اے۔ کانفرنس 65 رکن ملکاں تے مشتمل دنیا دا واحد کثیر الجہتی فورم اے جہاں تخفیفِ اسلحہ تے اسلحہ کنٹرول معاہدیاں تے مذاکرات ہوندے نے۔ دفترِ خارجہ دے مطابق پاکستان دی صدارت عالمی برادری دے سفارتی قیادت تے اعتماد تے عالمی امن و سلامتی لئی پاکستان دے فعال کردار دا مظہر اے۔
