ایس اے پی منصوبیاں دی بروقت تکمیل یقینی بنائی جاوے، اسحاق ڈار

ایس اے پی سٹیئرنگ کمیٹی دا اجلاس، منصوبیاں وچ مقامی آبادی نوں شامل کرن دی ہدایت

اسلام آباد (وقائع نگار) نائب وزیرِ اعظم و وزیرِ خارجہ سینیٹر محمد اسحاق ڈار دی زیرِ صدارت پائیدار ترقی دے اہداف حاصل کرن دے پروگرام ایس اے پی (SAP) دی سٹیئرنگ کمیٹی دا اجلاس ہویا، جس وچ پروگرام متعلق مختلف امور دا تفصیلی جائزہ لیا گیا۔ اجلاس وچ نائب وزیرِ اعظم نے زور دتا کہ بنیادی ڈھانچے دی ترقی دے منصوبیاں دی نشاندہی وچ مقامی آبادی نوں شامل کیتا جاوے تے منصوبیاں دی بروقت تکمیل یقینی بنائی جاوے۔ اجلاس وچ بین الصوبائی رابطہ، منصوبہ بندی و ترقی، سائنس و ٹیکنالوجی، مواصلات تے پارلیمانی امور دے وفاقی وزرا، وزیراعظم دے معاونِ خصوصی طارق باجوہ، کابینہ، پاور تے ہاؤسنگ و ورکس دے سیکرٹریز سمیت پنجاب، سندھ، بلوچستان تے خیبر پختونخوا دیاں حکومتاں دے نمائندیاں نے شرکت کیتی۔