امریکا، ایران جنگ بندی وچ توسیع تے اسلام آباد معاہدے تحت اتفاق ہو گیا: اعلیٰ پاکستانی عہدیدار۔

اسلام آباد (مانیٹرنگ ڈیسک): اک اعلیٰ پاکستانی عہدیدار نے جو ایران امریکا مذاکرات توں واقف اے، پیر نوں دسیا اے کہ امریکا تے ایران وچکار 60 دناں دی جنگ بندی وچ توسیع تے اتفاق ہو گیا اے۔

پاکستانی حکومت دے ایس اعلیٰ عہدیدار نے ناں ظاہر نہ کرن دی شرط تے انڈپینڈنٹ اردو نال گل بات کردے ہوئے آکھیا کہ ایران تے امریکا وچکار 60 دن پہلے ہوݨ والی اسلام آباد مفاہمتی یادداشت تحت دونوں ملکاں وچکار جنگ بندی وچ توسیع بارے معاہدہ طے پا گیا اے۔ ایہ پیش رفت ایسے ویلے سامنے آئی اے جدوں امریکا تے ایران وچکار جنگ بندی دے مستقبل تے دونوں ملکاں وچکار مذاکرات بارے غیر یقینی صورتحال پائی جا رہی سی۔ ایہ مدت کل ہی ختم ہوئی سی۔