سپریم کورٹ دا فیصلہ شاندار تے تاریخی، سیاسی بے چینی ختم ہوئے گی: شیخ رشید۔
راولپنڈی: سابق وفاقی وزیرِ داخلہ شیخ رشید احمد نے بانی پی ٹی آئی عمران خان دی ہسپتال منتقلی بارے سپریم کورٹ دے فیصلے نوں شاندار تے تاریخی قرار دیندے ہوئے آکھیا اے کہ ایس فیصلے نال عوام وچ پائی جاݨ والی سیاسی بے چینی دا خاتمہ ہوئے گا۔
اپنے ویڈیو بیان وچ شیخ رشید احمد نے آکھیا کہ اج دے فیصلے نال لوکاں نوں احساس ہویا اے کہ عدالتاں اجے زندہ نیں، قوم جسٹس شاہد وحید دے فیصلے نوں سلام پیش کردی اے۔
انہاں دا کہنا سی کہ سپریم کورٹ دے تن رکنی بینچ دا فیصلہ عدلیہ دی آزادی دے حوالے نال اہم اے تے ایس نال عدلیہ تے جسٹس شاہد وحید دے بینچ دا پرچم بلند ہویا اے۔
سابق وفاقی وزیر نے آکھیا کہ فیصلے دے نتیجے وچ جیلاں وچ قید بے گناہ بندیاں نوں رہائی تے سہولتاں ملن گیاں، اج دے فیصلے نال عدلیہ دی آزادی وچ اضافہ ہویا اے تے ایہنوں چار چاند لگ گئے نیں Navigation۔
