حکیم شہزاد دی رجسٹریشن منسوخی بارے طب کونسل دا فیصلہ معطل۔
اسلام آباد: اسلام آباد ہائیکورٹ نے معروف حکیم شہزاد دی رجسٹریشن منسوخی بارے فیصلہ معطل کردیاں طب کونسل نوں نوٹس جاری کر کے جواب طلب کر لیا۔
جسٹس محمد آصف نے حکیم شہزاد دی درخواست تے سماعت کیتی، درخواست گزار ولوں وکیل شیر افضل مروت عدالت وچ پیش ہوئے۔
وکیل درخواست گزار نے مؤقف اختیار کیتا کہ طب کونسل نے حکیم شہزاد دی بطور طبیب رجسٹریشن منسوخ کر رکھی اے، طب کونسل نے سݨے بغیر رجسٹریشن منسوخی دا حکم دتا۔
وکیل نے استدعا کیتی کہ حکیم شہزاد دی رجسٹریشن منسوخی دا اقدام کالعدم قرار دتا جاوے۔
عدالت نے رجسٹریشن منسوخی بارے طب کونسل دا فیصلہ آئندہ سماعت تک معطل کر دتا تے طب کونسل نوں نوٹس جاری کر کے جواب طلب کر لیا، عدالت نے کیس دی سماعت ملتوی کر دتی۔
