سپریم کورٹ دا فیصلہ شاندار، سیاسی بے چینی مک جاوے گی : شیخ رشید
احساس ہویا کہ عدالتاں جیوندیاں (زندہ) نیں، قوم دا جسٹس شاہد وحید دے فیصلے نوں سلام؛ فیصلے نال عدلیہ دی آزادی وچ نہ صرف وادھا ہویا سگوں ایس نوں چار چن لگ گئے
راولپنڈی سابق وفاقی وزیرِ داخلہ شیخ رشید احمد نے بانی پی ٹی آئی عمران خان دی ہسپتال منتقلی بابت سپریم کورٹ دے فیصلے نوں شاندار تے تاریخی قرار دیندیاں آکھیا کہ فیصلے نال لوکاں وچ پائی جانی والی سیاسی بے چینی مکے گی (ختم ہووے گی)۔
ویڈیو بیان وچ شیخ رشید احمد نے آکھیا کہ اج دے فیصلے نال لوکاں نوں احساس ہویا کہ عدالتاں ہسے (اجے) جیوندیاں نیں، قوم جسٹس شاہد وحید دے فیصلے نوں سلام پیش کردی اے۔ اوہناں دا کہنا سی کہ سپریم کورٹ دے ترائے رکنی بینچ دا فیصلہ عدلیہ دی آزادی دے حوالے نال اہم اے تے ایس نال عدلیہ تے جسٹس شاہد وحید دے بینچ دا پرچم اُچا ہویا اے۔
سابق وفاقی وزیر نے آکھیا کہ فیصلے دے نتیجے وچ جیلاں وچ ڈکے (قید) بے گناہ لوکاں نوں رہائی تے سہولتاں ملن گئیاں، اج دے فیصلے نال عدلیہ دی آزادی وچ وادھا ہویا اے تے ایس نوں چار چن لگ گئے نیں۔
