عمران خان دی بھین نورین نیازی نال ملاقات کروا دتی گئی

کانفرنس روم وچ صحت دے معاملیاں تے گل بات؛ عمران تے بشریٰ بی بی دی وی ملاقات کروا دتی گئی؟ صحافی: نورین نیازی دا بُلاں (ہونٹاں) تے انگل رکھ کے چپ رہن دا اشارہ

راولپنڈی عمران خان نال اوہناں دی بھین نورین نیازی دی ملاقات کروا دتی گئی، جیل دے ذرائع موجب ملاقات کانفرنس روم وچ ہوئی جتھے دوہاں بھین بھراواں نے صحت تے دوجے معاملیاں تے گل بات کیتی، نورین نیازی نے بانی نوں سپریم کورٹ دے حکم بابت دسیایا وی۔ ملاقات توں بعد نورین نیازی جیل توں باہر نکل کے داہگل ناکے تے پہنچیاں تاں اک صحافی نے نورین نیازی توں سوال کیتا کہ کیہ اوہناں دی بانی نال ملاقات کروا دتی گئی اے؟ ایس تے نورین نیازی نے اپنے بُلاں تے انگل رکھ کے چپ رہن دا اشارہ کیتا تے اپنی گڈی وچ بہہ گئیاں۔

بعد وچ نورین نیازی گڈی وچ ہی بیٹھیاں رہیاں تے علیمہ خان تے ڈاکٹر عظمیٰ نوں وی گڈی وچ سُد (بلا) لیا، کجھ چِر بعد قاسم زمان وی گڈی وچ پہنچ گئے جتھے اوہناں ترائے-چاراں وچکار ملاقات دے حوالے نال گل بات ہوندی رہی۔ ملاقات لئی اڈیالہ جیل جان توں پہلاں نورین نیازی نے میڈیا نال گل بات کردیاں آکھیا کہ میں عمران خان نوں سپریم کورٹ دے حکماں بابت دساں گی، اوہناں نوں دساں گی کہ تواڈے لئی پی ٹی آئی دے لوکاں نے کنیاں کوشلاں (کوششاں) کیتیاں نیں، صحافی نے سوال کیتا کہ کیہ تسیں پرتن (واپسی) تے میڈیا نال گل کرو گے؟ نورین نیازی نے جواب دتا چپ، چپ۔ دوجے پاسے بانی پی ٹی آئی تے بشریٰ بی بی دی وی ملاقات کروا دتی گئی۔