شہباز شریف نال اقوامِ متحدہ دے ریذیڈنٹ کوآرڈینیٹر محمد یحییٰ دی الوداعی ملاقات
اسلام آباد پاکستان وچ اقوامِ متحدہ دے ریذیڈنٹ کوآرڈینیٹر تے ہیومینیٹیرین کوآرڈینیٹر محمد یحییٰ نے وزیراعظم شہباز شریف نال الوداعی ملاقات کیتی۔ وزیراعظم نے محمد یحییٰ توں اوہناں دے دورِ تعیناتی دوران پاکستان تے اقوامِ متحدہ وچکار تعاون نوں مضبوط بنان لئی اوہناں دیاں شاندار خدمات تے اوہناں دا شکریہ ادا کیتا۔
وزیراعظم نے پاکستان دی ترقی تے انسانی ہمدردی نال جڑیاں ترجیحاں، خاص طور تے موسمیاتی تبدیلیاں دے اثرات نال نمٹن دی صلاحیت، پائیدار ترقی تے قدرتی آفتاں نال نمٹن لئی اقوامِ متحدہ دی ٹیم دی لگاتار مدد نوں وی سراہیا۔ وزیراعظم نے پاکستان لئی عالمی سہارا حاصل کرن وچ اقوامِ متحدہ دے کردار، خاص طور تے 2022 دے ہڑ (سیلاب) دوران اقوامِ متحدہ دیاں کوشلاں نوں سراہیا۔ وزیراعظم نے محمد یحییٰ نوں اقوامِ متحدہ دے دفترِ رابطہ برائے انسانی امور وچ اسسٹنٹ سیکرٹری جنرل انسانی امور تے ڈپٹی ایمرجنسی ریلیف کوآرڈینیٹر مقرر ہون تے ودھائی دتی۔
