اسرائیل دا اپنے فوجیاں دی طرفوں غزہ وچ 5 سالہ ہند رجب تے امدادی کارکناں دے قتل دی تحقیقات دا اعلان
اسرائیلی فوج نے اعلان کیا ہے کہ وہ غزہ میں جنوری 2024 میں 5 سالہ فلسطینی بچی ہند رجب اور مارچ 2025 میں 15 امدادی کارکنوں کے ہائی پروفائل قتل پر فوجی اہلکاروں کے خلاف داخلی تحقیقات شروع کرے گی۔
اسرائیلی فوج دا کہنا اے کہ تحقیق دے ایہ فیصلے اس دے ‘فیکٹ فائنڈنگ اینڈ اسسمنٹ میکانزم’ دی طرفوں کیتی گئی ابتدائی جانچ دے بعد کیتے گئے نیں۔
غیر ملکی خبررساں ایجنسی دے مطابق اسرائیلی فوج نے فلسطینیاں دی ہلاکتاں نال متعلق پنج وکھ وکھ واقعات دے حوالے نال فیصلے جاری کیتے نیں، انہاں واقعات وچ اپریل 2024 وچ ‘ورلڈ سینٹرل کچن’ نامی فلاحی ادارے دے 7 امدادی کارکناں دے قتل دا جائزہ وی شامل سی۔
اس واقعے تے اسرائیلی فوج نے ڈھٹائی دا مظاہرہ کردیاں ہویاں آکھیا کہ اس نوں ’مجرمانہ بدانتظامی دا کوئی ایسا معقول شبہ نہیں ملیا جو مجرمانہ تحقیقات شروع کرن دا جواز بن سکے‘۔
اسرائیل وچ کم کرن والیاں انسانی حقوق دی تنظیماں دا کہنا اے کہ فلسطینیاں دے قتل تے اسرائیلی فوجیاں دے خلاف فوجداری تحقیقات وچ سزا دا امکان بہت گھٹ ہوندا اے۔
واضح رہے کہ 7 اکتوبر 2023 توں غزہ وچ جاری اسرائیلی جارحیت دے دوران جنوری 2024 وچ 5 سالہ بچی ہند رجب گھنٹیاں توں اک کار وچ پھنسی رہی تے موبائل فون تے فلسطینی طبی عملے توں مدد منگدی رہی جدوں کہ اس ویلے گڈی وچ اس دی خالہ، خالو تے تن کزن پہلاں ہی شہید ہو چکے سن۔
ایہی نہیں، مارچ 2025 وچ ہون والے اک ہور واقعے وچ غزہ دے جنوبی علاقے دی اک اجتماعی قبر توں ریڈ کریسنٹ، فلسطینی سول ڈیفنس تے اقوام متحدہ دے 15 امدادی کارکناں دی لاشیں برآمد ہوئیاں سن۔
اقوام متحدہ دے امدادی سربراہ ٹام فلیچر نے سماجی رابطے دے پلیٹ فارم ‘ایکس’ تے اک پوسٹ وچ دسویا سی کہ انہاں لاشاں نوں ’تباہ شدہ تے واضح نشانات والی گڈیاں‘ دے نیڑے دفن کیتا گیا سی۔ انہوں نے مزید آکھیا ’انہاں لوکاں نوں اسرائیلی فورسز نے زندگیاں بچان دی کوشش دے دوران قتل کیتا، اسیں اس دا جواب تے انصاف منگدے ہاں‘۔
