ہر ورھے مینہاں وچ کراچی ڈُب جاندا اے

لاہور (سٹاف رپورٹر، آئی این پی) صوبائی وزیر اطلاعات عظمیٰ بخاری نے کیہا اے پنجاب دے کسے شہر وچ مینہہ وسدا اے تے کجھ گھنٹیاں وچ پانی صاف (کلیئر) ہو جاندا اے۔

سندھ وچ جے بہتا مینہہ وسے تے بہتا پانی کئی کئی دناں تک کھلوتا رہندا اے۔ لاہور، گجرات تے راولپنڈی وچ اس سیزن تریخ دی سبھ توں بہتی بارش ہوئی۔ راولپنڈی وچ دناں وچ نہیں صرف کجھ گھنٹیاں وچ انتظامیہ نے پانی کلیئر کیتا۔ میڈیا نوں نظر آؤندا اے کہ کیہڑی حکومت مینہہ وچ متحرک ہوندی اے تے کیہڑی حکومت مینہہ دے پانی نوں ویکھ کے غائب ہوندی اے۔ اپنے بیان وچ اوہناں نے کیہا کہ ہر ورھے بارشاں دے سیزن وچ کراچی ڈُب جاندا اے پر ستارہاں سالاں والی حکومت نہیں جاگدی۔ مریم نواز نے سارے پنجاب وچ واسا قائم کیتی، 1000 نویں مشینری لے کے دتی۔ پنجاب وچ سندھ وانگ مینہہ رکݨ یا پانی آپے سُکݨ دا انتظار نہیں کیتا جاندا۔ پنجاب دی جیہڑی واسا توں سکھدے نے اوہدے ہی خلاف بولدے نے، ایہہ سبھ کیسے کر لیندے نے؟ میڈیا نوں کوسݨ دی تھاں اپنی کارکردگی تے دھیان دیو تے بہتا چنگا ہووے گا۔ ستارہاں سالاں بعد وی اپنی نالائقیاں دوجیاں تے سٹݨ دی تواڈی عادت نہیں گئی۔