جسٹس سید حسن اظہر رضوی نے وفاقی آئینی عدالت دے قائم مقام چیف جسٹس دا حلف چُک لیا
اسلام آباد (آن لائن) چیف جسٹس، جسٹس امین الدین خان دے بیرونِ ملک دورے پاروں جسٹس سید حسن اظہر رضوی نے وفاقی آئینی عدالتِ پاکستان دے قائم مقام چیف جسٹس دی حیثیت نال عہدے دا حلف چُک لیا۔
ایس سلسلے وِچ وفاقی آئینی عدالتِ پاکستان وِچ حلف برداری دی اک پُروقار تقریب ہوئی، جِس وِچ جسٹس عامر فاروق نے جسٹس سید حسن اظہر رضوی توں منصب دا حلف لیا۔ ایس موقعے تے وفاقی آئینی عدالت دے ججز صاحبان، رجسٹرار، منسٹری آف لا، سپریم کورٹ بار ایسوسی ایشن تے پاکستان بار کونسل دے عہدہ داران وی موجود سن۔
