اسحاق ڈار دی زیرِ صدارت اجلاس، سفارتی سرگرمیاں دا جائزہ
نائب وزیراعظم تے وزیرِ خارجہ سینیٹر محمد اسحاق ڈار دی زیرِ صدارت اجلاس، سفارتی سرگرمیاں دا جائزہ
اسلام آباد (وقائع نگار) نائب وزیراعظم تے وزیرِ خارجہ سینیٹر محمد اسحاق ڈار نے آؤندے ہفتیاں دوران پاکستان دیاں متوقع اعلیٰ سطحی سفارتی سرگرمیاں تے رابطیاں دیاں تیاریاں دا جائزہ لیݨ لئی اہم اجلاس دی صدارت کیتی۔
وزارتِ خارجہ دے دفتر توں جاری بیان مطابق اجلاس وِچ نائب وزیراعظم تے وزیرِ خارجہ نے آؤندے اعلیٰ سطحی سفارتی رابطیاں دوران پاکستان دیاں اہم ترجیحاں تے بنیادی سفارتی اہداف تے چانݨ پایا، سینیٹر محمد اسحاق ڈار نے ایہناں سفارتی سرگرمیاں دے ذریعے پاکستان دے سفارتی مقاصد نوں اگے ودھاؤن حوالے نال ضروری ہدایتاں وی جاری کیتیاں۔ نائب وزیراعظم تے وزیرِ خارجہ نے اجلاس دوران مختلف سفارتی سرگرمیاں (engagements) دیاں تیاریاں دا وی جائزہ لیا تے ایہناں دی کامیاب تکمیل لئی سارے متعلقہ ادارےآں تے حکام درمیان مربوط تے مؤثر کوشساں دی اہمیت تے زور دِتا۔ اجلاس وِچ سیکرٹری خارجہ سفیر آمنہ بلوچ تے وزارتِ خارجہ دے سینئر حکام نے شرکت کیتی، وزارتِ خارجہ مطابق پاکستان آؤندے ہفتیاں وِچ مختلف اہم اعلیٰ سطحی سفارتی سرگرمیاں دے ذریعے قومی تے خارجہ پالیسی دے اہداف نوں مزید اگے ودھاؤن لئی فعال سفارتی رابطے جاری رکھے گا۔
