ملتان: گٹر لائن دی صفائی دے دوران واسا دے ٢ ملازم دم گھٹن نال جاں بحق ہو گئے نیں۔

ملتان: گٹر لائن دی صفائی دے دوران واسا دے ٢ ملازم دم گھٹن نال جاں بحق ہو گئے۔ ریسکیو دے مطابق دوہاں ملازماں رات گئے گٹر لائن دی صفائی وچ مصروف سن کہ دم گھٹن نال موت دے منہ وچ چلے گئے۔ پولیس دا آکھنا اے کہ دوہاں ملازماں حفاظتی آلیاں دے بغیر گٹر لائن دی صفائی کر رہے سن۔

دوجے پاسے ایس حوالے نال واسا حکام نے دسویا کہ جاں بحق ہون والا اک ورکر واسا دا مستقل ملازم تے دوجا کنٹریکٹ اتے سی، واسا ولوں دوہاں بندیاں نوں لائن دی صفائی دی کوئی ہدایت نہیں دتی گئی سی، دوہاں بندیاں ذاتی حیثیت وچ نجی کنٹریکٹر دی مدد لئی سیوریج لائن وچ گئے سن۔

واسا حکام نے ہور دسویا کہ کم دے دوران سیفٹی ایس او پیز اتے سختی نال عملدرآمد یقینی بنایا جاندا اے، سیوریج دے کم توں پہلاں سارے حفاظتی اقدامات مکمل کرنا لازمی قرار دتا گیا اے۔