بنگلا دیش نے پاکستان، ترکیہ تے سعودیہ دے دفاعی معاہدے وچ رلن دا اشارہ دے دتا اے۔

بنگلا دیش نے پاکستان، ترکیہ تے سعودیہ دے سانਝے دفاعی معاہدے وچ رلن دا اشارہ دے دتا اے۔ بنگلا دیشی خبر ایجنسی دے مطابق بنگلا دیشی وزیراعظم دے مشیر برائے خارجہ امور ہمایوں کبیر نے انٹرویو دیاں آکھیا کہ بنگلا دیش سعودی عرب، پاکستان تے ترکیے دے معاشی یا دفاعی فریم ورک وچ رلن دے امکان اتے مثبت رویہ رکھدا اے۔ ہمایوں کبیر دا آکھਣਾ سی کہ ایس معاملے وچ بنگلا دیش قومی مفاداں، عالمی معیشت تے تجارت وچ بدلدی صورتحال نوں ساہمنے رکھے گا، پاکستان نال عام سفارتی سرگرمیاں دے تحت دو طرفہ عملی تعلقات مضبوط بنا رہے آں۔ انہاں ہور آکھیا کہ پاکستان نال تجارت تے دونویں دیساں دے لوکاں دے رابطے ودھان لئی کم کر رہے آں۔ بنگلا دیشی میڈیا دا آکھਣਾ اے کہ سعودی ولی عہد دی دعوت اتے وزیراعظم طارق رحمان جلدی سعودی عرب دا دورہ کرن گے۔