ملک اندر تعلیمی ادارے ستمبر وچ سخت ایس او پیز نال کھلولن تے اتفاق

اسلام آباد: بین الصوبائی تعلیمی کانفرنس اندرچاراں صوبیاں ، آزاد کشمیر تے گلگت بلتستان دے وزرائے تعلیم نے ستمبر دے پہلے ہفتے سخت ایس او پیز دے نال تعلیمی ادارے کھولن تے اتفاق کیتا اے،وفاقی وزیر تعلیم شفقت محمود دی زیر صدارت بین الصوبائی وزائے تعلیم کانفرنس ہوئی جس اندر چاراں صوبیاں ، آزاد کشمیر تے گلگت بلتستان دے وزرائے تعلیم شریک ہوئے ، ایس دوران ملک اندر سکول ایجوکیشن سمیت تعلیم بارے اہم فیصلے کیتے گئے،کانفرنس اندر وزرائے تعلیم نے اتفاق کیتا کہ تعلیمی ادارے کھولن توں پہلاں کورونا دی صورتحال دا جائزہ لتا جائے گا،فیر منظوری این سی او سی توں لئی جاوے گی،تعلیمی ادارایاں نوں ایس او پیز نے نال امتحانات لوین دی اجازت ہوئے گی ،تعلیمی کانفرنس وچ ستمبر توں پہلاں دو مزید اجلاس بلاون دا فیصلہ وی کیتا گیا ،ایس توں پہلاں وزیر تعلیم پنجاب مراد راس نے تعلیمی ادارے اگست وچ کھولن بارے بیان دتا سی ،لیکن بین الصوبائی تعلیمی کانفرنس اندر مزید اک ماہ ودھاندیاں ہوئیاں تعلیمی ادارے ستمبر وچ کھولن دا موقف ساہمنے آیا اے ۔