این سی سی آئی اے وچ 351 آسامیواں اُتے بھرتی شروع

اسلام آباد (اے پی پی) وفاقی وزارتِ داخلہ تے انسدادِ منشیات دے ماتحت قائم نیشنل سائبر کرائم انویسٹی گیشن ایجنسی (این سی سی آئی اے) نے سائبر خطرات نال نمٹن لئی ملک بھر وچ 351 خالی آسامیواں اُتے بھرتی شروع کر دِتی اے۔

گریڈ 14 دے 48 سب انسپکٹر، 15 ٹیکنیکل اسسٹنٹ، 8 سٹینو ٹائپسٹ، گریڈ 11 دے 6 اپر ڈویژن کلرک، گریڈ 9 دے 36 اے ایس آئی، گریڈ 5 دے 174 کانسٹیبل تے 64 کانسٹیبل ڈرائیور بھرتی کیتے جان گے۔

کمپیوٹر سائنس، آئی ٹی، سائبر سکیورٹی، سافٹ ویئر تے الیکٹریکل انجینئرنگ وچ اعلیٰ ڈگریاں رکھنے والے امیدواراں سمیت گریجویشن، انٹرمیڈیٹ تے میٹرک پاس امیدوار وی اہل ہوون گے۔

تمام آسامیواں اوپن میرٹ، صوبائی تے علاقائی کوٹے، خواتین، اقلیتاں تے معذور افراد لئی مختص تناسب دے تحت پُر کیتیاں جان گیاں۔

امیدواراں توں 7 ستمبر تک آن لائن درخواستاں طلب کیتیاں گئی نیں۔ جسمانی پیمائش، فزیکل دوڑ تے کمپیوٹر بیسڈ تحریری امتحاناں توں بعد میرٹ لسٹاں تیار کیتیاں جان گیاں۔