بلوچستان کوئلہ کان حادثہ، جاں بحق 34 کان کنان دے ہر خاندان لئی 20 لاکھ روپے دی امداد
لاہور (مانیٹرنگ ڈیسک) وزیراعظم محمد شہباز شریف دی ہدایت اُتے نیشنل ڈیزاسٹر مینجمنٹ اتھارٹی (این ڈی ایم اے) ولوں بلوچستان وچ پیش آون والے المناک کوئلہ کان حادثے وچ جاں بحق ہون والے کان کنان دے لواحقین وچ امدادی چیک تقسیم کیتے گئے۔
این ڈی ایم اے دے مطابق جولائی 2026 وچ ہون والے حادثے دے 34 کان کنان دے لواحقین وچ فی خاندان 20 لاکھ روپے دے امدادی چیک تقسیم کیتے گئے۔ این ڈی ایم اے دی ٹیم نے خیبر پختونخوا دے ضلع شانگلہ وچ مقامی نمائندے ڈاکٹر عباد اللہ دی معاونت نال لواحقین وچ امدادی چیک تقسیم کیتے۔
وفاقی حکومت ولوں متاثرہ خاندانواں نال یکجہتی دا اظہار کیتا گیا، جدوں کہ مشکل دی گھڑی وچ متاثرہ خاندانواں نوں ہر ممکن معاونت فراہم کرن دے عزم دا وی اعادہ کیتا گیا۔
