محسن نقوی نال امریکی سفیر دی ملاقات، خطے دی صورتحال تے گل بات
منظم جرائم، منشیات تے انسانی سمگلنگ خلاف باہمی تعاون ودھاؤن تے اتفاق
اسلام آباد وفاقی وزیرِ داخلہ محسن نقوی نال امریکی سفیر نیٹلی بیکر نے ملاقات کیتی، جیہدے وچ خطے دی مجموعی صورتحال تے امن و استحکام نال جڑے معاملیاں تے گل بات کیتی گئی۔ پاک-امریکا دوپاسیویں تعاون تے وکھ وکھ شعبیاں وچ شراکت داری ودھاؤن تے وی تبادلۂ خیال ہویا۔
ملاقات دوران پولیس افسراں دے باہمی پروگراماں تے ٹریننگ بارے گفتگو کیتی گئی، جد کہ منظم جرائم، منشیات تے انسانی سمگلنگ دے خلاف باہمی تعاون نوں ہور مضبوط بنان تے اتفاق کیتا گیا۔ امریکی سفیر نے خطے وچ امن تے استحکام لئی فیلڈ مارشل دے مثبت سفارتی کردار دی تعریف کیتی۔ اس موقعے تے وفاقی سیکرٹری داخلہ بھی موجود سن۔
