چارجز ڈیجیٹلائزیشن: سنگل ونڈو تے ایئرپورٹس اتھارٹی وچالے معاہدہ

اسلام آباد (خصوصی نیوز رپورٹر) پاکستان سنگل ونڈو نے سرحد پار تجارت دا نظام بہتر تے سوکھا بݨاؤݨ لئی پاکستان ایئرپورٹس اتھارٹی نال ایم او یو (مفاہمتی یادداشت) تے دستخط کر دتے نے، جیہدے نال فضائی درآمدی کنسائنمنٹس تے کارگو تھروپٹ چارجز دی وصولی نوں ڈیجیٹل بݨایا جاوے گا۔

چارجز وصولی دے کاغذی طریقہ کار دی تھاں پی ایس ڈبلیو پلیٹ فارم نال جڑیا مکمل الیکٹرانک نظام متعارف کروایا جا ریا اے، جیہدے نال تجارتی شعبے لئی ایہہ کم ہور تیز، شفاف تے سوکھا ہو جاوے گا۔ نویں ڈیجیٹل نظام تحت سی ٹی سی دی ادائیگی پی ایس ڈبلیو پلیٹ فارم راہیں دوجی متعلقہ ڈیوٹی تے فیس نال الیکٹرانک طریقے نال ہووے گی، جیہدے نال بینک جاݨ، نقدی سنبھاڵݨ تے ایئرپورٹ تے غیر ضروری لائناں وچ کھڑے ہوݨ دی لوڑ ختم ہو جاوے گی۔