آزاد کشمیر وچ پاکستان دے مقابلے بنیادی سہولتاں بہتر نیں۔

بجلی 3 روپے فی یونٹ تے 20 کلو آٹے دا تھیلا 1100 روپے وچ، سڑکاں دا وسیع نیٹ ورک

اسلام آباد (خصوصی نیوز رپورٹر): پاکستان دے صوبیاں دے مقابلے وچ آزاد جموں و کشمیر وچ بنیادی سہولتاں تے معیارِ زندگی بہتر اے۔ آزاد کشمیر دے شہریاں نے اعداد و شمار دی روشنی وچ پاکستان دے ہور صوبیاں دے مقابلے وچ دستیاب بنیادی سہولتاں نوں بہترین قرار دتا اے۔

آزاد جموں و کشمیر دے شہریاں دے مطابق ایتھے بجلی، آٹے دے ریٹ توں لے کے سڑکاں دے نیٹ ورک، نظامِ تعلیم، صحت تے ٹیلی کمیونیکیشن سمیت کئی شعبے پاکستان دے ہور حصیاں نالوں بہتر نیں۔

شہریاں دا کہنا اے کہ آزاد کشمیر وچ بجلی دا بنیادی ریٹ تقریباً 3 روپے فی یونٹ اے، جدویں پاکستان دے ہور علاقیاں وچ ٹیکسز، سرچارجز تے ایڈجسٹمنٹس دی وجہ نال بجلی کئی گنا مہنگی اے۔

آٹے دے معاملے وچ وی آزاد کشمیر دی عوام نوں نمایاں ریلیف حاصل اے، جتھے 20 کلو آٹے دا تھیلا 1100 روپے وچ فراہم کیتا جا رہیا اے۔ دشوار گزار جغرافیے دے باوجود آزاد جموں و کشمیر وچ سڑکاں دا وسیع نیٹ ورک موجود اے۔

تعلیم دے شعبے وچ آزاد کشمیر دی شرحِ خواندگی تقریباً 77.8 فیصد اے، جڑی پاکستان دے ہور صوبیاں نالوں بلند اے۔