ضلع کرم وچ امن و امان بحال کرن لئی اہم پیشرفت ہوئی اے جتھے امن معاہدے دی تجدید لئی کیتا جان والا جرگہ کامیاب ہو گیا اے۔
پارا چنار: ضلع کرم وچ قیام امن لئی اہم پیش رفت ہوئی اے جتھے امن معاہدے دی تجدید لئی کیتا جان والا جرگہ کامیاب ہو گیا اے۔ معاہدے دے پہلے مرحلے وچ چار مہینیاں دی تجدید کر دتی گئی اے جیدے بعد اک سال دی توسیع تصور کیتی جائے گی۔
ڈپٹی کمشنر کرم فہد وزیر دے مطابق علیزئی وچ وتیزئی تے علیزئی قبائل دے درمیان اہم جرگہ ہویا، جیدے وچ دونویں قبائل نے مستقل بنیاداں اتے امن، ترقی تے خوشحالی دے قیام دے عزم دا اعادہ کردیاں ہویاں امن معاہدے دی اک بار پھر تجدید کیتی تے اس اتے مکمل عملدرآمد دی یقین دہانی کرائی۔
اس موقع اتے ڈپٹی کمشنر فہد وزیر دا کہنا سی کہ معاہدے دی تجدید 4 مہینیاں لئی ہوئی اے اس دوران تمام قبائل امن معاہدے اتے کاربند رہن گے تے 4 مہینے بعد اس معاہدے وچ خودکار طریقے نال مزید اک سال دی توسیع ہو جائے گی۔
ڈپٹی کمشنر نے آکھیا کہ امن معاہدے وچ توسیع پائیدار امن لئی اہم پیش رفت اے، قبائل پرامن رہن گے تے اک دوجے دے حقاں دا احترام کرن گے۔ یاد رہے کہ اک سال پہلاں دونویں قبائل دے درمیان امن معاہدہ ہویا سی۔
