امریکی صدر ٹرمپ دا وینزویلا نال دنیا دی تاریخ دے سب توں وڈے تیل دے معهدے دا اعلان۔

واشنگٹن: امریکی صدر ڈونلڈ ٹرمپ نے اعلان کیتا اے کہ امریکہ نے وینزویلا نال دنیا دی تاریخ دا سب توں وڈا تیل دا معهدہ کر لیا اے۔
ٹرمپ نے اپنے سوشل میڈیا پلیٹ فارم ٹروتھ سوشل اُتے بیان جاری کردیاں دسیا کہ اوہناں دے حکم اُتے وزیر خارجہ مارکو روبیو تے وزیر جنگ پیٹ ہیگسیتھ نے وینزویلا دی عارضی صدر ڈیلسی روڈریگیز نال رل کے نجی شعبے دی ساجھے داری نال ایہہ معهدہ پکا کیتا۔
ٹرمپ نے دعویٰ کیتا کہ معهدے تحت امریکہ نے وینزویلا دے 65 ارب بیرل توں ودھ پکے تیل دے ذخیریاں اُتے وڈا کنٹرول حاصل کر لیا اے۔
اوہناں آکھیا کہ ایہہ تریخی معهدہ امریکہ دے تیل دے ذخیریاں نوں دوگنے توں وی زیادہ کر دیوے گا، تیل دی سپلائی وچ وڈا وادھا کرے گا تے آؤندے سمیاں وچ امریکی شہریاں لئی پیٹرول دیاں قیمتاں وچ وڈی گھٹ دا کارن بنے گا۔