مصطفیٰ کمال نے پمز دورے توں پہلاں ہی استعفیٰ وزیراعظم نوں بھجوا دِتا سی: بیرسٹر عقیل
اسلام آباد: وزیر مملکت برائے قانون تے انصاف بیرسٹر عقیل ملک نے آکھیا اے کہ وزیر صحت مصطفیٰ کمال نے پمز دورے توں پہلاں ہی اپنا استعفیٰ وزیراعظم نوں بھجوا دِتا سی۔
پروگرام ’’ٹونائٹ ود ثمر عباس‘‘ وچ گفتگو کردیاں عقیل ملک نے آکھیا کہ سانحہ پمز دی تحقیقات لئی وزیراعظم نے اعلیٰ سطح دی کمیٹی تشکیل دِتی اے۔ ابتدائی رپورٹ اج آؤن دی توقع اے۔ سانحہ پمز حکومت لئی ٹیسٹ کیس اے، ایس لئی تحقیقاتی رپورٹ دا انتظار کرنا چاہیدا اے۔
وزیر مملکت نے آکھیا کہ جے سیکرٹری صحت نوں عہدے توں ہٹایا جا سکدا اے تاں پمز دے ایگزیکٹو ڈائریکٹر (ای ڈی) نوں کیوں نئیں ہٹایا گیا، ایہ معلوم نئیں۔
بیرسٹر عقیل نے آکھیا کہ پمز دا ایگزیکٹو ڈائریکٹر اینا طاقتور نئیں اے۔
