لسبیلہ: کوسٹل ہائی وے تے بس کھائی وچ ڈگ گئی، 9بندے جاں بحق، 29زخمی

لسبیلہ: لسبیلہ وچ کوسٹل ہائی وے تے کنڈ ملیر دے نیڑے بس کھائی وچ ڈگ گئی، حادثے وچ 9بندے جاں بحق جد کہ 29زخمی ہو گئے، زخمیاں نوں اورماڑہ ہسپتال منتقل کر دتا گیا۔

کوسٹل ہائی وے تے کنڈ ملیر دے نیڑے بس نوں حادثہ پیش آیا، لیویز ذرائع دے مطابق کوچ اورماڑہ توں کراچی آ رہی سی کہ بزی ٹاپ دے نیڑے بریک فیل ہون دی وجہ توں بس ڈونگھی کھائی وچ جا ڈگی، حادثے دے نتیجے وچ 9بندے موقع تے جاں بحق ہو گئے جد کہ 29بندے شدید زخمی ہو گئے۔

اطلاع ملن تے پاکستان نیوی پاکستان کوسٹ گارڈز تے لیویز دی ریسکیو ٹیماں موقع تے اپڑ گئیاں، زخمیاں نوں اورماڑہ نیول بیس دے ہسپتال منتقل کر دتا گیا۔