انڈس ڈولفن دا بچہ ماہی گیر دے جال وچ پھنس کے ہلاک
انڈس ڈولفن دا بچہ ماہی گیر دے جال وچ پھنس کے ہلاک
ڈیرہ غازی خان (ڈسٹرکٹ رپورٹر) — دریائے سندھ وچ نایاب تے خطرے وچ پئی انڈس ڈولفن دا بچہ مبینہ طور اُتے ماہی گیری دے جال وچ پھنس کے ہلاک ہو گیا۔
وائلڈ لائف نے واقعے دی تحقیقات شروع کر دتیاں نیں۔ واقعہ تھانہ کوٹ چٹھہ دی حدود وچ شیرو جدید، ڈرین والا سپر دے نیڑے پیش آیا، جتھے ڈولفن دے بچے دی لاش پتن دے کولوں ملی۔
مقامی لوکاں دے مطابق علاقے وچ ماہی گیری لئی جال تے ہور مبینہ غیر قانونی طریقے ورتے جاندے نیں۔ وائلڈ لائف دے شوقین عطا اللہ ایڈووکیٹ نے اطلاع ملن اُتے موقع دا جائزہ لیا تے محکمہ نوں آگاہ کیتا۔
ڈپٹی چیف رینجر وائلڈ لائف عامر نیازی دے مطابق شواہد اکٹھے کرکے لاش دا پوسٹ مارٹم کرایا جاوے گا۔
