کراچی دی کثیر المنزلہ بوسیدہ عمارت ’’حسن منزل‘‘ خالی کرن دا حتمی نوٹس

کراچی دی کثیر المنزلہ بوسیدہ عمارت ’’حسن منزل‘‘ خالی کرن دا حتمی نوٹس

بلڈنگ کنٹرول اتھارٹی تے پی ڈبلیو ڈی عمارت نوں خطرناک قرار دے چکے، انتباہ دے باوجود رہن والے اپنے انجام دے آپ ذمہ دار ہون گے: متروکہ وقف املاک

اسلام آباد (ایس ایم زمان) — متروکہ وقف املاک دی کراچی وچ کثیر المنزلہ عمارت دے رہائشی، عمارت بوسیدہ تے خطرناک ہون دے باوجود اونوں خالی کرن توں انکاری نیں۔

کراچی دے علاقے آرام باغ روڈ وچ واقع کثیر المنزلہ عمارت ’’حسن منزل‘‘ نوں حکومتِ پاکستان دے ادارے متروکہ املاک (کابینہ ڈویژن) کراچی نے خطرناک تے رہائش لئی غیر موزوں قرار دیندیاں تمام مکیناں نوں فوری طور اُتے عمارت خالی کرن دی حتمی وارننگ جاری کر دتی اے۔

عمارت وچ 10 فلیٹ، 5 دکاناں تے اک گودام شامل اے۔ ادارے دے مطابق ایہ عمارت متروکہ املاک (انتظام) ایکٹ 1975 دے تحت متروکہ جائیداد اے تے وفاقی حکومت دی ملکیت وچ آندی اے۔

سندھ بلڈنگ کنٹرول اتھارٹی تے پاک پی ڈبلیو ڈی عمارت نوں خستہ حالی تے غیر محفوظ حالت دی وجہ توں خطرناک قرار دے چکے نیں۔

نوٹس وچ آکھیا گیا اے کہ جے کوئی شخص ایس وارننگ دے باوجود عمارت وچ رہائش جاری رکھدا اے تاں اس دی مکمل ذمہ داری خود اوہدے اُتے ہووے گی۔

تمام مکیناں نوں ہدایت کیتی گئی اے کہ اوہ اپنا سامان محفوظ تے منظم طریقے نال فوری طور اُتے عمارت توں باہر کڈھ لین۔

عمارت دی حفاظت تے حفاظتی تقاضیاں دی تکمیل لئی متعلقہ حکام جیہڑی وی کارروائی ضروری سمجھنگے، اوہ کر سکدے نیں۔