گیلانی نال کابل وچ پاکستانی سفیر تے ہور شخصیات دی ملاقات
چیئرمین ہیومن رائٹس کمیشن نے شہید بینظیر بھٹو لائف ٹائم اچیومنٹ ایوارڈ پیش کیتا
اسلام آباد (سٹاف رپورٹر) قائم مقام صدر نال پاکستان دے افغانستان وچ تعینات سفیر عبید الرحمن نظامانی سمیت اہم شخصیات نے ملاقات کیتی، جس وچ علاقائی سکیورٹی دی صورتحال، خاص طور اُتے پاکستان دے امن تے استحکام نال متعلق امور اُتے بریفنگ دتی گئی۔
انٹرنیشنل ہیومن رائٹس کمیشن دے چیئرمین تے سفیرِ اعلیٰ ڈاکٹر محمد شاہد امین نے وی گیلانی نال ملاقات کیتی تے انہاں نوں شہید بینظیر بھٹو لائف ٹائم اچیومنٹ ایوارڈ پیش کیتا۔
دریں اثنا پیپلز پارٹی ملتان دے سٹی صدر ملک نسیم نے وی قائم مقام صدر نال ملاقات کیتی تے انہاں نوں جنوبی پنجاب دے سیاسی امور بارے آگاہ کیتا۔
علاوہ ازیں نیشنل انشورنس کمپنی لمیٹڈ دے چیئرمین علی سید نے وی انہاں نال رسمی ملاقات کیتی تے انہاں نوں کمپنی دی کارکردگی بارے آگاہ کیتا۔
پاکستان ریڈ کریسنٹ سوسائٹی خیبرپختونخوا چیپٹر دے چیئرمین تے پی پی دے سینئر رہنما فرزند علی وزیر نال ملاقات وچ خیبرپختونخوا دی مجموعی امن و امان دی صورتحال تے پارٹی امور اُتے گل بات ہوئی۔
