مکہ معاہدہ: نویں ارکان دی شمولیت دا طریقہ اکتوبر وچ طے ہووے گا: خواجہ آصف
اتحاد دا اجلاس پاکستان وچ وی ہو سکدا اے، فیصلہ قیادت مشاورت نال کرے گی، پاکستان توں سیکرٹری جنرل کون ہووے گا، ایہہ میرے علم وچ نئیں: خواجہ آصف
اسلام آباد (مانیٹرنگ ڈیسک) وزیر دفاع خواجہ آصف نے آکھیا اے کہ کجھ ملکاں نے مکہ دفاعی اتحاد وچ شامل ہون وچ دلچسپی ظاہر کیتی اے۔ نویں ممبراں دی شمولیت نال متعلق مکہ دفاعی معاہدے دی کمیٹی دا اگلا اجلاس اکتوبر دے شروع وچ ہووے گا۔
انہاں آکھیا کہ اجلاس دی جگہ دا فیصلہ مشاورت نال کیتا جاوے گا، تاہم ممکنہ طور اُتے اجلاس پاکستان وچ ہو سکدا اے۔ فیصلہ قیادت کرے گی۔
پارلیمنٹ ہاؤس وچ صحافیاں نال گل بات کردیاں انہاں آکھیا کہ مکہ معاہدے نال متعلق کمیٹی دے پہلے اجلاس وچ دفاعی اتحاد وچ توسیع اُتے مشاورت ہوئی۔ توسیع کدوں ہونی اے، ایس بارے تفصیل نال گل بات کیتی گئی۔
نویں لوکاں دے مکہ معاہدے وچ شامل ہون دے طریقہ کار اُتے وی مشاورت ہوئی تے ایہہ وی غور کیتا گیا کہ کنی مدت بعد نویں ارکان لئی دروازے کھولنے چاہیدے نیں۔ اگلی ملاقات وچ اوہ طریقہ کار وی سامنے آ جاوے گا۔
اک سوال دے جواب وچ خواجہ آصف نے آکھیا کہ پاکستان توں ایس اتحاد دا سیکرٹری جنرل کون ہووے گا، ایہہ میرے علم وچ نئیں اے۔
